Gjykata e Durrësit ka caktuar masën e sigurisë “arrest në burg”, me afat 45 ditë, për dy personat e arrestuar për dhunën ndaj kamarierit 18-vjeçar në Malin e Robit, në Golem.
Florian Habilaj, një prej bashkëpronarëve të hotelit, dhe shoku i tij Enold Dragoti, kamarier në lokal, të arrestuar nga Policia e Kavajës, akuzohen nga Prokuroria për “plagosje të rëndë me dashje”.
Sipas hetimeve, konflikti nisi për shkak të pagesës së padhënë të kamarierit. 18-vjeçari Genti Nela u dhunua nga vëllezërit Habilaj, bashkëpronarë të hotelit.
Ndërkohë, në orën 12:30 pritet të zhvillohet seanca për caktimin e masës së sigurisë ndaj Melson Nelës, xhaxhait të 18-vjeçarit. Ai u arrestua pasi u kap në automjet me një kallashnikov dhe tre karikatorë.
Sipas Policisë, Nela po shkonte të hakmerrej për dhunën e ushtruar ndaj nipit të tij.
©ZëriOnline
