Situata e krijuar nga mosmarrja e pagave në Gjykatën e Shkallës së Parë të Juridiksionit të Përgjithshëm Durrës vijon të ndikojë në funksionimin e administratës gjyqësore, për shkak të mospagimit të pagave.
Në një njoftim të administratës së Seksionit Civil bëhet me dije se shërbimet do të vijojnë të ofrohen me kufizime. Sporteli i shërbimeve për qytetarët do të jetë në funksion vetëm në fashën orare 11:00–12:30.
Megjithatë, ky kufizim nuk do të ndikojë në zhvillimin e seancave gjyqësore. Sipas njoftimit, seancat do të vijojnë të zhvillohen normalisht, në përputhje me planifikimin e përcaktuar.
Kufizimi i shërbimeve vjen në një situatë tensioni në sistemin gjyqësor, të lidhur me problematikat e pagesave të magjistratëve dhe administratës gjyqësore.
©ZëriOnline
