Gjykata e Dibrës ka lënë në burg oficerin e policisë Jetmir Uta 24 vjeç, pasi akuzohet se kreu marrëdhënie seksuale me dhunë me një vajzë 18-vjeçare.
Ai akuzohet për veprat penale “Marrëdhënie seksuale me dhunë me të rritura” dhe “Shpërdorim i detyrës”.
Uta u arrestua më 29 nëntor teksa po hynte të territorin e Shqipërisë. Ai u kallëzua në polici nga e reja, e cila në praninë e nënës së saj, rrëfeu se oficeri i policisë kishte kryer me të marrëdhënie seksuale pa dëshirën e saj.
Pas denoncimit, Uta u largua drejt Kosovës. Sipas njoftimit zyrtar të AMP, nën hetim është vënë dhe nëna e Utës, e cila ka kërcënuar vajzën për të mos kallëzuar në polici oficerin.
Jetmir Uta kishte kërcënuar 18-vjeçaren me foto dhe video të saj, për të cilat i kishte kërkuar që ta takonte ose në të kundër do t’i publikonte.
©️zërionline
