Një incident i rëndë u regjistrua dje në ambientet e Inspektoratit Kombëtar të Mbrojtjes së Territorit (IKMT), ku është dhunuar drejtori i Ekzekutimit të Vendimeve, Fatmir Meta. Ai u sulmua nga Klesti Çela, drejtori i Mjedisit që, sipas mediave, deklarohet se është kunati i Ergys Agasit, së bashku me tre persona të tjerë. Ngjarja dyshohet se ndodhi pas një përplasjeje verbale një ditë më parë mes palëve.
Specialistët për Hetimin e Krimeve të Komisariatit të Policisë Nr. 2 shpallën në kërkim shtetasin Klesti Çela, pasi dyshohet se dje, së bashku me 3 shtetas ende të paidentifikuar, ka goditur për shkak të detyrës shtetasin Meta, drejtor i Drejtorisë së Ekzekutimit të Vendimeve të IKMT-së, në ambientet e këtij institucioni. Punohet për sqarimin e plotë të rrethanave të rastit.
©️zërionline
