Prokuroria e Korçës ka përfunduar hetimet dhe dërguar në gjyq shtetasin e mitur E. Guri, për veprën penale ‘Vrasje në rrethana cilësuese’.
Gjithashtu dhe shtetasit Edison Guri, Roland Guri dhe Flori Çela, për veprën penale “Veprime që pengojnë zbulimin e të vërtetës”. Ngjarja e rëndë ndodhi më më datë 14.08.2025, në ambientet e jashtme të një lokali në fshatin Pirg, pasi viktima ishte konfliktuar fizikisht me një tjetër të mitur, shtetasin E. Guri, banues në të njëjtin fshat.
Nga këqyrja e pamjeve filmike të siguruara nga kamerat e sigurisë së lokalit, u konstatua se viktima dhe autori i dyshuar ishin përfshirë në një konflikt fizik, thuhet në njoftimin zyrtar. Gjithashtu nënvizohet se në video shfaqet qartë se shtetasi E. Guri mbante në dorë një thikë, ndjek viktimën mes tavolinave të verandës dhe pas një përleshjeje dhe rrëzimi në tokë, e godet me mjetin prerës, duke i shkaktuar plagën fatale.
©️zërionline
