Një krim i rëndë brenda familjes ka tronditur pasditen e sotme zonën e Roskovecit, në qarkun e Fierit.
Sipas informacionit paraprak të bërë me dije nga Policia, rreth orës 14:30, shtetasi Sh. Rr., 80 vjeç, banues në fshatin Kuman, dyshohet se ka qëlluar me armë zjarri (pushkë) bashkëshorten e tij, shtetasen D. Rr., rreth 75 vjeçe, brenda banesës së tyre.
Pas krimit, i moshuari dyshohet se ka vrarë edhe veten.
Menjëherë në vendngjarje ka mbërritur grupi hetimor, i cili po punon për zbardhjen e plotë të rrethanave dhe dokumentimin e ngjarjes.
Policia njofton se hetimet vijojnë për të përcaktuar shkaqet që çuan në këtë akt të rëndë.
©️zërionline
