Një aksident i rëndë rrugor është regjistruar të dielën në aksin kombëtar Pogradec–Lin, në afërsi të fshatit Pojskë.
Sipas informacioneve paraprake, në aksident janë përfshirë dy mjete dhe u desh ndërhyrja e zjarrfikësve për të nxjerrë personat nga automjetet. Dy persona të plagosur u transportuan me ambulancë drejt Spitalit të Pogradecit për të marrë ndihmë mjekësore, po një prej tyre, një grua, e cila ishte pasagjere në njërin prej automjeteve të përfshira në aksident, ka ndërruar jetë si pasojë e plagëve të marra.
Forcat e policisë ndodhen në vendngjarje dhe po punojnë për zbardhjen e plotë të rrethanave dhe shkaqeve të aksidentit në zonën e Memëlishtit.
©ZëriOnline
