Sherr dhe panik. Pamjet në videon më poshtë tregojnë momentet e dhunshme të ndodhura paraditen e sotme në ambientet e Poliklinikës së Shkodrës, ku një 32-vjeçar, Vildan K. u sulmua nga babë e bir.
Siç duket dhe nga pamjet, 18-vjeçari dhe i ati fillimisht e goditën disa herë me grushte 32-vjeçarin. Më pas, e rrëzuan në tokë dhe i riu nxori një thikë nga xhepi i pantallonave dhe e goditi, duke i shkaktuar plagë.
I plagosuri u transportua menjëherë në spital, ku iu nënshtrua një ndërhyrjeje kirurgjikale dhe ndodhet nën kujdesin e mjekëve.
Ndërkohë, më vonë Policia vuri në pranga 18-vjeçarin dhe të atin. Ata akuzohen për veprën penale “Vrasja me dashje”, e mbetur në tentativë, e kryer në bashkëpunim, ndërsa hetimet vijojnë për të zbardhur plotësisht rrethanat dhe motivin e ngjarjes.
©ZëriOnline
