Sipas burimeve, janë ndaluar B. Çela, A.Kastrati, H. Noku dhe L.Haso, por ende nuk dihen rrethanat pse kanë ndodhur të shtënat apo tentativa për t’i shpëtuar policisë. Mjeti lundrues i është nënshtruar kontrollit nga forca të shumta policie, por ende nuk dihet se çfarë është gjetur.
Katër persona kanë qenë në jahtin në Palasë prej të cilit erdhën të shtëna mbrëmjen e së dielës, bëjnë me dije burime nga policia.
Mjeti lundrues i është nënshtruar kontrollit nga forca të shumta policie, por ende nuk dihet se çfarë është gjetur.
Jahti u ndalua pas një operacioni që zgjati rreth dy orë dhe u shoqërua në kalatat e Portopalermos, bashkë me personat që ndodheshin në bord.
Menjëherë pas denoncimit për ngjarjen rreth orës 21:00, Policia Kufitare, Delta Force dhe FNSH nisën operacionin për kapjen e mjetit lundrues. Burime bëjnë me dije se gjatë ndjekjes, dy nga personat që ndodheshin në bordin e jahtit, tentuan të afroheshin në breg me gomone për t’i ikur policisë. Por, pasi konstatuan praninë e efektivëve në tokë, ata u kthyen sërish drejt jahtit.
Sipas të njëjtave burime, në përpjekje për t’iu shmangur autoriteteve, jahti fiku dritat dhe vijoi lëvizjen në det.
©ZëriOnline
