Policia e Kavajës arrestoi një 40-vjeçar, banues në Kavajë, pasi u kap në flagrancë duke dalë nga një banesë ku kishte hyrë për të vjedhur. Ngjarja ndodhi në lagjen nr. 3, ku pas marrjes së njoftimit, shërbimet e Komisariatit të Policisë Kavajë organizuan menjëherë operacionin dhe mbërritën në vendngjarje.
Shtetasi Saimir Përpalaj, sapo konstatoi praninë e Policisë, tentoi të largohej, por u kap në flagrancë nga forcat e rendit. Gjatë kontrollit fizik, atij iu gjet një thikë, e cila u sekuestrua si provë materiale.
Materialet procedurale janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm Durrës, për akuzat e “Dhunimit të banesës”, “Vjedhjes, mbetur në tentativë”, dhe “Prodhimit dhe mbajtjes pa leje të armëve të ftohta”.
©️zërionline
