Një histori e pazakontë dashurie po trondit Italinë dhe përtej, duke përfshirë një 90-vjeçar dhe një grua shqiptare 48 vjet më të re se ai. Kjo marrëdhënie e fshehtë, që zgjati dy dekada, doli në dritë pas një transferte bankare prej 40 mijë eurosh që i moshuari po përgatitej t’i dërgonte ish-të dashurës, një 42-vjeçare shqiptare, duke ngjallur reagime të forta brenda familjes së tij dhe në mediat italiane.
Familja e burrit të moshuar, e alarmuar nga shuma e konsiderueshme, ngriti një padi ndaj gruas për abuzim me gjendjen mendore të 90-vjeçarit, duke argumentuar se ajo kishte përfituar nga dobësia e tij për përfitime financiare. Pas kallëzimit, prokuroria bllokoi llogaritë bankare të të dyve, duke ndërprerë çdo mundësi transferimi parash.
Përkundër akuzave, avokati i gruas këmbëngul se marrëdhënia e tyre ka qenë e sinqertë dhe se ajo nuk ka kryer asnjë shkelje ligjore. Historia e tyre e dashurisë, që filloi në vitin 2004 kur ajo punonte si banakiere dhe ai ishte një ish-menaxher i suksesshëm, ka ngjallur debate për moralin dhe përfitimet materiale në marrëdhëniet me diferencë të madhe moshe. Ndërsa prokuroria kërkon një vlerësim psikiatrik për të moshuarin, të dy palët presin me ankth rezultatin që mund të ndikojë në vazhdimësinë e çështjes.
Kjo histori, e cila përfshin përfitime të dhuratave bujare dhe ndjenja të ndërlikuara, ka ndezur një diskutim të gjerë për dashurinë, përkushtimin dhe përfitimet personale në raportet njerëzore, duke e bërë atë një rast që tërheq vëmendjen e opinionit publik.
©️zërionline
