Një 50-vjeçar u prangos për tregti të paregjistruar dhe kontrabandë cigaresh në Durrës.
Sektori i Krimit Ekonomiko-Financiar pranë Drejtorisë Vendore të Policisë Durrës ka arrestuar në flagrancë shtetasin L. H., 50 vjeç, i cili u kap duke ushtruar aktivitet tregtar të paregjistruar. Gjatë kontrollit të kryer nga shërbimet e policisë, u zbuluan dhe u sekuestruan 3528 paketa cigaresh të markave të ndryshme, të gjitha pa pullë fiskale.
Sipas Policisë, ky aktivitet përbën një shkelje të ligjit dhe përfshin disa vepra penale, mes të cilave “Kontrabanda me mallra për të cilat paguhet akcizë”, “Tregtimi dhe transportimi i mallrave që janë kontrabandë” dhe “Fshehja e të ardhurave”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme. Hetimet do të vazhdojnë për të përcaktuar përgjegjësitë ligjore të të arrestuarit dhe për të zbardhur mundësinë e përfshirjes së personave të tjerë në këtë aktivitet të paligjshëm.
©️zërionline
