Një peshkarexhë u mbyt këtë të hënë në basenin e portit të peshkimit në Durrës.
Sipas burimeve nga ky port, anija me emrin “Gimi & Geri” ishte e ankoruar në kalatë prej kohësh, por kushtet e rënduara atmosferike të orëve të fundit në gjirin e Durrësit, me erëra të fuqishme dhe dallgëzim të lartë, kanë bërë që ajo të marrë ujë dhe të fundosej në basen.
Peshkarexha është në pronësi të një shtetasi nga Korça, por prej vitesh nuk ka dalë në det për aktivitet peshkimi. Anija ka qëndruar e ankoruar në bankinë dhe dyshohet se mungesa e mirëmbajtjes mund të ketë kontribuar në dëmtimin e saj, duke e bërë më të ndjeshme ndaj kushteve të këqija atmosferike.
Autoritetet portuale po vëzhgojnë situatën, ndërsa mbetet për t’u parë nëse do të ndërmerren hapa për nxjerrjen e peshkarexhës nga baseni dhe për të shmangur ndotjen e mëtejshme të ujërave të portit.
©️zërionline
