Një aksident tragjik ka ndodhur pasditen e vonë të 24 dhjetorit në Spitallë, Durrës. Një automjet ka përplasur 40-vjeçarin Pëllumb Ndoi që po lëvizte me biçikletë në afërsi të rrethrrotullimit, duke i shkaktuar vdekjen e menjëhershme. Viktima u gjet pa shenja jete në vendngjarje, ndërsa drejtuesi i automjetit është larguar pa dhënë ndihmën e parë.
Policia po punon për gjetjen e drejtuesit të mjetit, i cili dyshohet paraprakisht të jetë një kamion. Sipas burimeve policore, aksidenti ndodhi rreth orës 17:30.
Hetimet vazhdojnë për të zbardhur rrethanat e sakta të aksidentit dhe për të kapur drejtuesin e automjetit.
©️zërionline
