Publikohen datat e provimeve të Maturës Shtetërore për vitin 2025 për nxënësit që ndjekin arsimin e përgjithshëm dhe atë profesional.
Organizimi dhe zhvillimi i provimeve të Maturës Shtetërore u vendos si më poshtë:
3 qershor: Gjuha e Huaj
10 qershor: Gjuha Shqipe dhe Letërsia
17 qershor: Matematika
24 qershor: Provimi me Zgjedhje.
Provimi me zgjedhje ofron një gamë të gjerë lëndësh, duke përfshirë:
Shkencat e Natyrës: Kimi, Fizikë, Biologji, Shkencat Shoqërore: Histori, Gjeografi, Qytetari dhe Psikologji, Filozofi dhe Sociologji, Ekonomi dhe Artet: Ekonomi, Histori Arti, Histori Muzike, Histori Baleti
Të gjitha provimet do të fillojnë në orën 10:00 dhe do të zgjasin 2 orë e 30 minuta.
Për orientimin dhe përgatitjen e maturantëve, testet model për provimet e ardhshme janë shpërndarë shumë më herët në të gjitha shkollat, duke i orientuar nxënësit për formatin dhe kërkesat e provimeve në mënyrë që ata të jenë sa më të përgatitur për provimet e Maturës.
Procesi i hartimit, administrimit dhe vlerësimit të testeve do të realizohet nga Qendra e Shërbimeve Arsimore (QSHA), duke siguruar standardet e transparencës dhe korrektësisë.
©️zërionline
