Një ngjarje e rëndë ka tronditur fshatin Gjonomadh në Korçë, ku një i ri 20-vjeçar është gjetur i vetëvarur. Viktima është identifikuar si Hysen Lato, i cili kishte humbur kontaktet me familjen prej gjashtë ditësh.
Familjarët e të riut kishin bërë denoncimin për zhdukjen e tij, ndërsa sot banorët e zonës gjetën trupin e pajetë dhe njoftuan menjëherë autoritetet.
Kjo ngjarje përbën rastin e tretë të vetëvrasjeve të të rinjve në qarkun e Korçës brenda pak ditësh, duke shtuar ndjeshëm shqetësimin për problematikat që po përballen të rinjtë në zonë.
Grupi hetimor po punon për të zbardhur rrethanat e plota të ngjarjes, ndërsa autoritetet u bëjnë thirrje qytetarëve që të kërkojnë ndihmë profesionale në raste të vështira emocionale.
©️zërionline
