“Vota: i vetmi mall që shitet pa licensë.”
Kështu shkruante Mark Twain, mjeshtri i satirës amerikane, në një prej thënieve të mbledhura në librin “More Maxims of Mark” nga Merle Johnson, botuar në vitin 1927.
Me një stil thumbues dhe ironik që sfidonte hipokrizinë e kohës, Twain e shihte sistemin politik amerikan si një treg ku ideali i demokracisë shpesh zëvendësohej nga pazarllëqet, interesat dhe korrupsioni. Vota, sipas tij, nuk ishte më një instrument i qytetarit për të sjellë ndryshimin, por një mall që mund të blihej e shitej, shpesh pa asnjë kontroll apo ndërgjegje.
Kjo maksimë, edhe pse shkruar më shumë se një shekull më parë, mbetet aktuale sot, në një kohë kur shitblerja e votës dhe manipulimi elektoral janë sfida të një demokracie që shpesh duket më shumë formale sesa reale.
Fotografia e shoqëruar me këtë thënie shtëpia-muze e Mark Twain në Hartford, Connecticut, është vendi ku autori shkroi disa nga veprat e tij më të njohura dhe ku, pa dyshim, lindi edhe kjo ironi therëse ndaj realitetit politik.
©️zërionline
