Humb jetën në një aksident rrugor vogëlushja sllovake, që kishte ardhur për pushime në Shqipëri. Aksidenti fatal rrugor ndodhi rreth orës 20:00, në segmentin rrugor Maminas-Gjiri i Lalëzit, tek kryqëzimi i Lurës. Një automjet me drejtues shtetasin Genci Gj., 18 vjeç, ka përplasur minorenen S. S., 8 vjeçe, nga Sllovakia. Si pasojë e përplasjes, 8-vjeçarja e cila u dërgua në spitalin e Traumës nuk mundi të mbijetojë. Ajo humbi jetën në spital. Ndërkohë drejtuesi i automjetit, i pajisur me patentë vetëm pak ditë më parë, është ndaluar nga policia, pasi u shoqërua në komisariat për veprime të mëtejshme procedurale. Grupi hetimor që shkoi në vendngjarje, nën drejtimin e Prokurorisë, ka kryer procedurat e para dhe po punon për sqarimin e plotë të rrethanave dhe shkakut të aksidentit.
@zërionline
