Paraditen e sotme është zhvilluar ceremonia e betimit të Vangjel Tavos në detyrën e re të kryetarit të Bashkisë Himarë.
Pas himnit kombëtar, ceremoninë e ka çelur kreu i këshillit bashkiak që ka konfirmuar vlefshmërinë e mandatit të Vangjel Tavos, i cili, pasi bëri betimin, tha se do t’i shërbejë Himarës duke qenë çdo ditë në shërbim të çdo qytetari. Ai premtoi se bashkia nuk do të jetë një godinë burokratike dhe se Himara do të kthehet në destinacionin më të vizitueshëm, duke përmirësuar standardet e jetesës për banorët e saj. Ai ftoi dhe himariotët që jetojnë jashtë vendit të kthehen pasi do t’i kenë dyert e hapura në këtë bashki. Nga këshilli bashkiak kërkoi frymë mirëkuptimi dhe bashkëpunimi në të mirë të Himarës dhe himariotëve, përtej ndasive politike.
©️zërionline
