Një përpjekje për grabitje në lagjen nr. 1 të qytetit të Durrësit ka përfunduar me arrestimin e një 34-vjeçari, pasi ai tentoi të vidhte nën kërcënimin e thikës xhiron ditore në një market dhe dëmtoi lehtë një nga punonjëset.
Ngjarja ndodhi rreth orës 15:30, kur shtetasi Orgest Zenuni hyri në market dhe, nën kërcënimin e një thike, kërkoi të merrte paratë nga arka. Punonjëset e marketit reaguan menjëherë duke lajmëruar Policinë dhe duke u përpjekur të pengonin grabitësin.
Në përpjekje për t’u larguar nga vendngjarja, pasi nuk arriti të realizonte vjedhjen, 34-vjeçari dëmtoi lehtë në dorë një nga punonjëset e marketit. Policia mbërriti shpejt në adresën e dhënë dhe arrestoi autorin, shtetasin O. Zenuni, banues në lagjen nr. 18 të Durrësit.
Aktualisht, autori është shoqëruar në Komisariatin e Policisë për veprime të mëtejshme, ndërsa grupi hetimor po vijon punën për dokumentimin ligjor të rastit.
©️zërionline
