Universiteti “Aleksandër Moisiu” Durrës ka njoftuar me krenari se studentja Adela Domi, e cila ndjek studimet në programin Master Shkencor në “Marrëdhënie ddërkombëtare dhe Diplomaci” pranë Departamentit të Shkencave Politike, është shpallur fituese e çmimit prestigjioz “NATO Student Award” për Ballkanin Perëndimor.
Ky çmim, i organizuar nga NATO Allied Command Transformation, vlerëson studentët e shquar nga rajoni për arritjet e tyre të veçanta.
Adela Domi është një studente e universitetit “Aleksandër Moisiu”, ku ka treguar përkushtim dhe pasion të veçantë për studimet në fushën e Marrëdhënieve Ndërkombëtare dhe Diplomacisë. Gjatë viteve të saj akademike, ajo ka demonstruar një aftësi të veçantë për të kuptuar dhe adresuar çështjet globale. Fitorja e çmimit “NATO Student Award” është një dëshmi e përpjekjeve të saj dhe ambicieve për të kontribuar në fushën e diplomacisë, duke shërbyer si shembull frymëzues për studentët e tjerë dhe një pasqyrë e potencialit të madh për një karrierë të suksesshme në të ardhmen.
Fitorja e Adelës shënon një sukses të rëndësishëm jo vetëm për të personalisht, por edhe për instuticionin e arsimit të lartë ku ajo studion, UAMD, duke dëshmuar përkushtimin e universitetit për të ofruar një mjedis akademik që nxit ekselencën dhe ndërkombëtarizimin.
Universiteti i Durrësit deklaron se vazhdon të forcojë pozicionin e tij si një institucion lider në arsimin e lartë në vend, duke mbështetur studentët në rrugëtimin e tyre drejt sukseseve.
©️zërionline
