Gjykata e Posaçme Kundër Korrupsionit dhe Krimit të Organizuar dënoi me 18 vite burg Talo Çelën për grabitjen e 4.5 milionë eurove në aeroportin e Rinasit, në prill të vitit 2019. Kjo çështje ndaj Talo Çelës u gjykua në mungesë. Prej vitesh, Çela është në arrati pasi akuzohet për pjesëmarrje dhe organizime të disa atentateve në Elbasan dhe Durrës.
Perfshirja e tij në grabitjen e Rinasit, u konfirmua sipas SPAK edhe nga disa komunikime të gjetura në aplikacionin Sky ECC, ku Talo Çela shqetësohej në atë kohë për dëshminë e bashkautorit të tij Alkond Bengasi, që bashkëpunoi fillimisht me drejtësinë duke zbardhur ngjarjen.
Në 2023, për grabitjen e 9 Prillit 2019, Gjykata e Posaçme dënoi me 122 vite burg në total bashkëpunëtorët e Çelës, ku dënimin më të madh e mori Klement Çala me 20 vite, ndërsa gjashtë të tjerët Oltion Veseli, Renaldo Sulaj, Saimir Çela, Oltion Pikli, Alkon Bengasi dhe Eldi Çala u dënuan me 17 vjet burg.
Pjesë e grabitjes qe dhe Admir Murataj që mbeti i vrarë gjatë arratisjes, si dhe Ragip Hajdini, që humbi jetën në spitalin e burgut për shkak të një sëmundjeje.
©️zërionline
