Një 17-vjeçare nga Durrësi ka humbur jetën si pasojë e meningitit bakterial, një sëmundje e rëndë dhe ngjitëse. Vajza është paraqitur një ditë më parë në Spitalin Rajonal të Durrësit dhe më pas është transferuar në shërbimin infektiv në QSUT, ku ka ndërruar jetë gjatë paradites së të dielës.
Në vijim, autoritetet shëndetësore po trajtojnë me profilaksi familjarët e vajzës N. C. dhe personelin mjekësor që e ka trajtuar atë, për të parandaluar përhapjen e mëtejshme të sëmundjes.
Në Shqipëri, ndryshe nga shumë vende të tjera, vaksina kundër meningitit bakterial nuk është pjesë e kalendarit të detyrueshëm të vaksinimit, duke rritur kështu rrezikun për popullatën. Ky rast tragjik ka rikthyer vëmendjen te nevoja për forcimin e masave parandaluese dhe futjen e vaksinës në programin e imunizimit kombëtar.
©️zërionline
