Orët e para të vitit të ri dhe fishekzjarret e shumta sollën në Spitalin e Durrësit disa të lënduar, por ende jo beben e parë të vitit 2025.
Në urgjencën spitalore të Durrësit, 10 persona bëhet me dije se kanë marrë trajtim ambulator për dëmtime të lehta të shkaktuara nga përdorimi i fishekzjarreve në natën e ndërrimit të viteve. Në asnjë prej rasteve nuk ka pasur nevojë për shtrim në spital, duke shmangur situata më të rënda gjatë festimeve të ndërrimit të viteve.
Ndërkohë, bebja e parë për vitin 2025 ende nuk ka ardhur në jetë. Sipas drejtorit të spitalit rajonal të Durrësit, Ani Dyrmishi, në orët e fundit të vitit 2024 kanë lindur katër foshnja. Ashtu si nënat në pritje, edhe stafi i maternitetit mbetet në gatishmëri, në pritje të fëmijës së parë për këtë vit të ri.
©️zërionline
