Një supermarket në zonën e Plepave, Durrës, është djegur në orët e para të mëngjesit. Sipas të dhënave paraprake, zjarri dyshohet të jetë shkaktuar nga një prizë e mbingarkuar me pajisjet frigoriferike, e cila ka bërë masë elektrike.
Zjarri ka rënë rreth orës 04:00, sipas Repartit të Zjarrfikësve të Durrësit dhe ndërhyrja e menjëhershme ka bërë të mundur izolimin e flakëve, duke shmangur përhapjen e tyre në pjesën tjetër të qendrës tregtare.
Zjarrfikësit kanë përfunduar operacionin e tyre dhe janë larguar rreth dy orë më parë. Ndërkohë, grupi i ekspertëve po vijon hetimet për të përcaktuar shkaqet e sakta të ngjarjes.
©️zërionline
