Një aksident tragjik rrugor që ndodhi mesnatën e kaluar në Itali i ka marrë jetën një 19-vjeçari shqiptar. Mediat italiane raportojnë se viktima është Klajdi Malaj, i cili banonte në Gioia del Colle.
Ngjarja e rëndë ndodhi në rrugën provinciale 82, mes Acquaviva delle Fonti dhe Gioia del Colle, ku tre automjete u përfshinë në një përplasje fatale. Përveç të riut shqiptar, humbi jetën edhe një 44-vjeçar italian, i cili u transportua me urgjencë në spitalin Miulli, por nuk mundi t’i mbijetonte plagëve të marra. Ndërkohë, drejtuesi i automjetit të tretë shpëtoi pa lëndime.
Zjarrfikësit punuan deri në orët e para të mëngjesit për të nxjerrë trupat nga mjetet e dëmtuara, ndërsa autoritetet italiane po hetojnë shkaqet e aksidentit tragjik.
©️zërionline
