Elton Hasani që dyshohet se theu xhamin e një automjeti dhe i mori me dhunë drejtuesit të tij çantën me para dhe një telefon u kap nga policia. Blutë e Durrësit identifikuan dhe vunë në pranga shtetasin Elton Hasani, 38 vjeç, banues në Durrës.
Nga hetimet ka rezultuar se ky shtetas, në lagjen nr. 14, Shkozet, Durrës, ka thyer xhamin e makinës dhe e ka goditur me grushte drejtuesin e automjetit, duke i marrë çantën, ku brenda kishte një shumë parash (euro dhe lekë), si dhe një telefon. I arrestuari e dinte se i sulmuari prej tij kishte një sasi të konsiderueshme parash me vete.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme për veprat penale “Vjedhja me dhunë” dhe “Shkatërrimi i pronës”.
©️zërionline
