Një ngjarje e rëndë është regjistruar në orët e para të mëngjesit të 5 shtatorit në Durrës, ku një vajzë 18-vjeçare me shtetësi italiane është dhunuar seksualisht. Policia e qytetit bregdetar ka mundur të identifikojë dhe arrestojë autorin pas disa orësh hetimesh intensive.
Sipas burimeve zyrtare, rreth orës 05:25, në shezlongët e plazhit përballë një hoteli në lagjen nr. 13 të Durrësit, në Plazh, 26-vjeçari Leonardo Preza, banues në të njëjtën lagje, ka kryer marrëdhënie seksuale me dhunë ndaj të resë italiane, duke i shkaktuar edhe dëmtime fizike.
Forcat hetimore të Krimit pranë Drejtorisë Vendore të Policisë Durrës nisën menjëherë punën për identifikimin dhe kapjen e autorit. Brenda pak orësh, Preza u lokalizua dhe u prangos në flagrancë.
Policia bën me dije se 26-vjeçari është i njohur për drejtësinë, pasi më parë është dënuar për armëmbajtje pa leje dhe për vjedhje.
Materialet hetimore i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Durrës, ku ndaj tij rëndon akuza për veprën penale “Marrëdhënie seksuale ose homoseksuale me dhunë me të mitur të moshës 14–18 vjeç”.
©️zërionline
