Në orët e mëngjesit të sotëm, forcat operacionale të Drejtorisë së Përgjithshme të Burgjeve kanë zhvilluar një kontroll të befasishëm në Institucionin e Ekzekutimit të Vendimeve Penale (IEVP) Durrës.
Gjatë kontrollit, janë gjetur pesë telefona celularë të markës iPhone, sende që janë të ndaluara brenda ambienteve të institucionit. Telefona ishin të fshehura në dyert e dusheve të përbashkëta, në Godinën “A”, kati i tretë, Sektori 1.
Sipas të dhënave paraprake, dyshohet se telefona i përkisnin të dënuarve Flamur Kapri, Aldo Prifti dhe Vladimir Ibrushi.
Në lidhje me rastin, po vijon puna hetimore për identifikimin e plotë të personave përgjegjës dhe mënyrën se si janë futur sendet e ndaluara brenda institucionit.
Drejtoria e Përgjithshme e Burgjeve thekson se kontrollet e tilla bëhen rregullisht për të garantuar sigurinë e brendshme dhe respektimin e rregullave në të gjitha institucionet e ekzekutimit penal.
©️zërionline
