Një operacion kontrolli është zhvilluar paraditen e sotme në burgun e Durrësit. Efektivë të Drejtorisë së Përgjithshme të Burgjeve kanë hyrë në ambientet e brendshme të institucionit të ekzekutimit të vendimeve penale, ku ndodhen si të paraburgosur ashtu edhe të dënuar, mes tyre dhe politikanë.
Sipas burimeve operative, kontrollet janë përqendruar në disa dhoma të të burgosurve dhe ambiente të përbashkëta, për shkak të informacioneve, po dhe kontrolleve rutinë se brenda institucionit mund të gjendeshin lëndë narkotike, telefona celularë apo sende të tjera të ndaluara.
Operacioni vijon ende, ndërsa pritet që pas përfundimit të tij të jepen detaje mbi materialet e mundshme të sekuestruara dhe masat që do të ndërmerren.
©️zërionline
