Një çift bashkëshortëshu plagos rëndë paraditen e sotme pasi makina në të cilën ata po udhëtonin doli nga rruga dhe përfundoi në kanal, pas një defekti në grupin e timonit, si thuhet paraprakisht. Ngjarja ka ndodhur rreth orës 10 të kësaj të diele. Bilbil dhe Xhevahire Nure po udhëtonin ne mjet në aksin Lushnje- Berat.
Dyshohet se shoferi ka hasur në një difekt në sistemin e drejtimit të mjetit, tek timoni, i cili i është bllokuar duke i shkaktuar aksidentin.
Është dashur ndërhyrja e zjarrfikësve të Lushnjes që kanë bërë të mundur nxjerrjen dy personave të cilët kanë marrë lëndime të rënda dhe janë transportuar me urgjencë fillimisht drejt spitalit të Lushnjes e më pas drejt Tiranës.
©️zërionline
