Një konflikt në familje është regjistruar mbrëmjen e sotme në një fshat të Durrësit, ku një i moshuar dyshohet se ka goditur me sende të forta dhëndrin e tij.
Ngjarja ka ndodhur rreth orës 18:00 në fshatin Xhafzotaj. Sipas informacioneve paraprake, shtetasi M. S., 91 vjeç, dyshohet se ka goditur në kokë me sende të forta dhëndrin e tij, shtetasin R. J., 69 vjeç, pas një konflikti mes tyre.
Si pasojë e përplasjes, të dy burrat kanë pësuar lëndime dhe janë transportuar me urgjencë për ndihmë mjekësore në Spitalin Rajonal të Durrësit, ku po marrin trajtimin e nevojshëm.
Në vendngjarje ka mbërritur grupi hetimor, i cili po punon për zbardhjen e plotë të rrethanave dhe shkaqeve që çuan në konfliktin mes dy familjarëve.
©️zërionline
