Një aksident me pasojë vdekjen është regjistruar mbrëmjen e sotme në autostradë, në afërsi të fshatit Fan, në Mirditë. Aksidenti mësohet se ka ndodhur rreth orës 20:00 dhe viktima rezulton të jetë një 38-vjeçar nga Kosova. I riu dyshohet se po drejtonte motomjetin e tij dhe për arsye ende të paqarta ka humbur kontrollin, e për pasojë, ka dalë nga rruga.
Si pasojë e aksidentit, 38-vjeçari u transportua me urgjencë për ndihmë mjekësore në Spitalin e Rrëshenit, por nuk arriti t’u mbijetojë plagëve të marra. Ndërkohë që grupi hetimor ndodhet në vendngjarje dhe po punon për zbardhjen e plotë të rrethanave dhe përcaktimin e shkakut të aksidentit.
“Rreth orës 20:00, në autostradë, në afërsi të fshatit Fan, Mirditë, shtetasi kosovar me iniciale L. D., 38 vjeç, duke drejtuar motomjetin e tij, dyshohet se ka humbur kontrollin mbi drejtimin e motomjetit dhe, për pasojë, ka dalë nga rruga.
Si pasojë e aksidentit, drejtuesi i motomjetit është transportuar për ndihmë mjekësore në Spitalin e Rrëshenit, ku, pavarësisht ndihmës së marrë, ka humbur jetën.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit”, njofton policia.
©ZëriOnline
