Një aksident me disa automjete ka krijuar kaos mbrëmjen e sotme në qytetin e Durrësit. Ngjarja u regjistrua në rrugën “Vllazërimi”, në lagjen nr. 17, ku një makinë tip “Mercedes Benz” humbi kontrollin dhe përfundoi duke u përplasur me mjetet e parkuara buzë rrugës.Nga përplasja u dëmtuan edhe pesë automjete të tjera, ndërsa për fat të mirë nuk ka të lënduar në njerëz. Megjithatë, trafiku në këtë aks u rëndua për disa minuta, duke krijuar vështirësi për qarkullimin e mjeteve.
Policia ka mbërritur menjëherë në vendngjarje dhe ka nisur hetimet për të sqaruar shkaqet e aksidentit, që sipas të dhënave të para, lidhet me shpejtësinë e lartë në drejtim.
©️zërionline
