Një krim i rëndë ka tronditur qytetin e Korçës. Bledar Trëndafili, në proces divorci me të shoqen, ka kryer një akt të tmerrshëm ndaj ish-bashkëshortes së tij, Melisa Trëndafili. Ngjarja ndodhi rreth orës 17:00, ndërsa 31-vjeçarja po kthehej nga puna për në shtëpi. Bledar Trëndafili, 45 vjeç e ndaloi pak metra larg banesës ku ajo jetonte me të ëmën dhe dy fëmijët e saj të mitur, 3 dhe 5 vjeç.
Sipas burimeve vendore, ai i hodhi një shishe me benzinë mbi trup dhe më pas i vuri flakën. Melisa është dërguar me urgjencë fillimisht në spitalin e qytetit e më pas drejt Tiranës për të marrë trajtimin e nevojshëm mjekësor. Ndërkohë, autori 45-vjeçar është larguar nga vendngjarja dhe policia është në kërkim të tij. Ky akt tronditës ngre shqetësime të mëdha për sigurinë e grave në situata të tilla, duke lënë të shokuar komunitetin.
©️zërionline
