Moti i keq që ka përfshirë gjirin e Durrësit ka detyruar autoritetet e peshkimit të marrin masa për sigurinë në det. Burime nga dispeçeria e peshkimit bënë me dije se është urdhëruar pezullimin e aktivitetit të flotës së peshkimit për një periudhë prej 48 orësh. Sot dhe nesër do të ndalohet dalja e anijeve të peshkimit në det, ndërsa anijet që janë aktualisht në det janë udhëzuar të ankorohen pranë portit të peshkimit për të shmangur rreziqet e mundshme.
Ndërkohë, pavarësisht motit të keq, linjat e trageteve mes Durrësit dhe porteve italiane do të vazhdojnë të funksionojnë normalisht. Po ashtu, anijet e tonazhit të mesëm dhe të lartë nuk do të preken nga ky vendim dhe do të vijojnë aktivitetin e tyre pa ndërprerje.
©️zërionline
