Lulzim Basha kërkon të regjistrohet në zgjedhjet e 11 majit nën siglën e partisë “Koalicioni Euroatlantik”. Partia Demokratike e drejtuar prej tij, e cila vijon betejën ligjore me rekursin në Gjykatën e Lartë, synon të marrë pjesë në zgjedhje si koalicion politik.
Sipas dokumenteve të dorëzuara, drejtuesi ligjor i këtij koalicioni është Endri Hasa, ish-deputet i PD. Në janar, Basha kishte deklaruar se do të kandidonte në zgjedhjet e 11 majit dhe se kishte depozituar në Gjykatën e Tiranës kërkesën për ndryshimin e emrit të partisë në “Koalicioni Euroatlantik”. Ai sqaroi gjithashtu se nuk do të jetë vetë kryetar i saj, por këtë rol do ta mbajë një person i besuar, konkretisht Endri Hasa.
©️zërionline
