Policia e Durrësit ka vënë në pranga Emilian Basha, 32 vjeç, si autorin e dyshuar të djegies së një automjeti dy javë më parë në qytet.
Sipas hetimeve, ngjarja ka ndodhur më 13 shkurt në lagjen nr. 10, ku është djegur automjeti në pronësi të shtetasit G. Gj. Pas veprimeve hetimore, policia ka identifikuar dhe arrestuar 32-vjeçarin, ndërsa gjatë kontrollit në banesën e tij është gjetur një sasi lënde narkotike e dyshuar cannabis sativa, e cila u sekuestrua si provë materiale.
Materialet hetimore i janë referuar Prokurorisë për veprime të mëtejshme, ndërsa Basha akuzohet për veprat penale “Shkatërrimi i pronës me zjarr” dhe “Prodhimi dhe shitja e narkotikëve”.
©️zërionline
