Ndahet nga jeta në moshën 58-vjeçare Artan Lame.Mësohet se Lame ndërroi jetë në Gjermani ku po kurohej pas një ishemie që pësoi disa muaj më parë. Po aty, në një spital në Mynih, ai iu nënshtrua një ndërhyrjeje të vështirë në zemër nga e cila nuk mundi të mbijetojë. Lame drejtoi për gjashtë vite, nga viti 2013-2019 Agjencinë e Legalizimit, Urbanizimit dhe Integrimit të Zonave Informale. Më pas, mbajti postin e Drejtorit të Përgjithshëm të Agjencisë Shtetërore të Kadastrës.
I lindur në Tiranë në vitin 1967, me origjinë nga fshati Qytezë i Kolonjës, Artan Lame ka mbajtur dhe poste të tjera të rëndësishme si Drejtor i Trashëgimisë Kulturore në Ministrinë e Kulturës, Nënkryetar i Bashkisë së Tiranës dhe Zëvendësministër i Territorit dhe Turizmit.
©️zërionline
