Gjykata e Korçës ka vendosur sot masën e sigurisë “arrest në burg” për Bledar Trëndafilin, 45 vjeçarin që një muaj më parë dogji me benzinë nënën e dy fëmijëve të vet, ish-bashkëshorten Melisa Trëndafili. Masa ishte caktuar në mungesë pas ngjarjes tronditëse, ndërsa sot ai u njoh me vendimin.
Prokuroria kërkoi që 45-vjeçari të mbahet në burg deri në përfundimin e hetimeve, kërkesë që u pranua nga gjykata. Gjatë seancës, Trëndafili pranoi veprimin e tij, duke thënë:
“Nuk doja ta bëja, por arrita ta bëja. Jam penduar.”
Ai u përpoq ta justifikojë aktin e rëndë me probleme në familje, duke thënë se ish-bashkëshortja nuk e lejonte të takonte fëmijët dhe e kishte tradhtuar.
Në gjykatë, ai u paraqit i rënduar psikologjikisht, duke lotuar në sallën e gjyqit.
©️zërionline
